90年航空小姐夺冠入行罗霖 艳光满载28年

浏览量:187 点赞:783 收藏:991 2020-08-12

91年亚姐冠军罗霖(Candy)早前相隔22年再拍无綫剧集《宫心计2深宫计》,就嚟53岁嘅佢同剧中一众索女争妍斗丽,仍然不落下风,近日书展激发写真集大战,更令唔少粉丝再次怀念罗霖三年前推出嘅美魔女写真集。今次本刊就搜罗Candy 28年嚟嘅罕见图片,张张艳光难掩。

罗霖 90年航空小姐冠军

罗霖参选亚姐前为国泰空中服务员,90年参加有八个国家十五位佳丽角逐嘅《第九届香港航空小姐竞选》,结果Candy勇夺冠军兼获「最佳婚纱奖」,为佢翌年参选亚姐打下强心针。

90年航空小姐夺冠入行罗霖 艳光满载28年

戴骑呢巨帽

泳装环节罗霖呢套泳衣冇乜睇头,但佢头顶几呎长嘅飞碟形帽就相当抢镜。

90年航空小姐夺冠入行罗霖 艳光满载28年

90年航空小姐夺冠入行罗霖 艳光满载28年

李美凤颁奖

罗霖除赢得冠军亦夺「最佳婚纱奖」,由87年港姐亚军李美凤担任颁奖嘉宾,两位美女初次同场。

90年航空小姐夺冠入行罗霖 艳光满载28年

91年赢亚姐冠军

91年参选《第七届亚洲小姐竞选》,不但顺利摘下冠军后冠,更夺得「最完美体态奖」,再次成为双料冠军。

90年航空小姐夺冠入行罗霖 艳光满载28年

水着晒微乳

罗霖参选亚姐期间不时以泳装示人,身材均匀。

90年航空小姐夺冠入行罗霖 艳光满载28年

七彩虾条装

91年亚姐决赛,佳丽一律着七彩虾条式水着,超低胸,罗霖扎起头髮虽然露出包包面,但冇阻佢赢得冠军。

90年航空小姐夺冠入行罗霖 艳光满载28年

92年台庆试婚纱

讲开婚纱,罗霖喺92年亚洲电视323台庆夜着婚纱表演歌舞,当时佢正同富商刘坤铭拍拖,试着婚纱时,待嫁之心溢于言表。

90年航空小姐夺冠入行罗霖 艳光满载28年

94年嘅罗霖同刘坤铭。

90年航空小姐夺冠入行罗霖 艳光满载28年

92年玩胶笠透视

92年罗霖替某娱乐周刊影海报大相,相中Candy着上胶质雨褛式衣衫,大玩透视诱惑,型格得嚟又性感。

90年航空小姐夺冠入行罗霖 艳光满载28年

93年扮甜甜圆梦

罗霖自言细个好迷日本经典卡通人物小甜甜,而小甜甜经常作公主打扮出席舞会,93年本刊替罗霖化妆成为公主式小甜甜,帮佢实现梦想。

90年航空小姐夺冠入行罗霖 艳光满载28年

15年50岁写真集

2015年「美魔女」罗霖以50岁之龄推出处女写真集《TIMELESS》,尽显冻龄零皱纹美貌同34C 25 34骄人身材,不但哄动全港,连英国《每日邮报》、新加坡、泰国、韩国、日本、墨西哥电视台等地媒体纷纷作报道。

90年航空小姐夺冠入行罗霖 艳光满载28年

电视处女作

91年罗霖当选亚姐冠军后,同年喺电视剧处女作《天地无情》中演黄日华嘅红颜知己,更陷入纠缠不清三角关係。

90年航空小姐夺冠入行罗霖 艳光满载28年电视代表作

罗霖95年转投无綫电视,翌年参演《真情》,凭演薛家燕女儿双双(唐丽双)一角爆红极,但同年下嫁刘坤铭后因怀孕而辞演。

90年航空小姐夺冠入行罗霖 艳光满载28年

电影话题作

罗霖只拍过两部电影,喺才子陶杰导演处男作《爱.寻.迷》中同关楚耀谈恋爱外,仲有大胆床战肉博戏。

90年航空小姐夺冠入行罗霖 艳光满载28年离婚后经济压力大 罗霖:好担心无嘢做!

52岁美魔女罗霖(Candy)五年多前与前夫刘坤铭离婚,原本养尊处优的富太太,为了生计及三个儿子,复出幕前,出写真、拍情慾片、做生意、中港两边跑出席活动搵银。在与本刊的访问中,罗霖说得最多的一句话是「我想照顾好我三个仔先!」跟她交流心水食肆,她会兴奋说:「二仔放假返香港可以同佢去试。」空闲时会与三子在家玩Mario Kart,会趁教幼子做功课把握时间敷面膜⋯⋯跟前夫有着共同抚养权,但三名儿子却选择跟随母亲生活,别人的家事旁人无从得知,但罗霖对儿子的母爱,却是绝对感受得到。

90年航空小姐夺冠入行罗霖 艳光满载28年

离婚后,罗霖要靠自己从头开始,首先要面对的是经济上的困难:「尤其係头几个月,我真係咩都无、由零开始,只可以同细仔搬番我妈咪度住,当时我同细仔瞓一张床,细仔都问我点解要住咁细嘅房、瞓埋一张床,我话:『你畀啲时间妈咪,我会努力做嘢,搬出去租屋住。』嗰刻我下定决心,到佢瞓着我就喊。」

离婚近六年,罗霖直言经济隐忧仍未解除:「三个仔学费、生活费各样支出都好大,尤其係去国外留学,每年加埋食宿三十几万,去美国更加贵,每年接近五十万。当初分开,协议我负责生活费,佢(前夫)负责学费,但过咗都无一年,佢话净係负责两个大仔三分一学费,对我嚟讲压力好大,依家三个仔都同我住,佢哋都生性,有时做吓暑期工,我最希望佢哋可以经济独立,因为讲真我年纪唔细,都唔知可以喺呢行做几耐,有时压力大,我都会喊住咁祈祷。」

90年航空小姐夺冠入行罗霖 艳光满载28年宁愿自己辛苦

除了经济上,少不了单亲妈妈母兼父职教育三名儿子的压力:「依家啲小朋友好有主见,但亦经唔起挫折,遇到困难可能会放弃,要不断支持、包容、鼓励,好多嘅爱同耐性,加埋我要做嘢,有时都几心力交瘁,但作为妈咪,永远都係支持、唔放弃佢哋,譬如大仔喺外国读完三年,本来仲有一年毕业,但佢话要转major(主修科目),要由头嚟过,当时我觉得:『你咪嘥咗我啲钱?七位数字喎!我真係做几份工捱通宵,做到喊㗎喎!』我沉澱,问自己:『你想个仔健康快乐,定继续读佢唔开心嘅嘢?』咁我宁愿拣我自己辛苦啲,但我同大仔讲:『你唔好成日转,因为我仲有两个细佬要供!』」

90年航空小姐夺冠入行罗霖 艳光满载28年

奇怪罗霖当年嫁入豪门,离婚后却时刻为钱头痛,罗霖爆前夫刘坤铭从未支付赡养费:「一向都无,无错,法律上係要畀,但当(对方)可以证实到银行啲钱係少过我,当然之前做咗好多功夫啦⋯⋯唔紧要,只要个天畀我有工作,我每日祈祷就係有嘢做,我唔怕辛苦,无嘢做我就担心嘞!」

90年航空小姐夺冠入行罗霖 艳光满载28年

一日食五餐keep fit

年过半百,又是三子之母,偏偏罗霖胸是胸、腰是腰,比例匀称,而且应大则大,尽显女性曲线美,摄影师边影边讚不绝口,直教青春少艾汗颜,说到保养方法,罗霖琅琅上口,媲美坊间自居的美容纤体专家:「少食多餐,一日可能食五餐,主要食蔬菜、鱼、鸡,我由细到大都唔锺意食牛同羊,但无办法我个名叫Candy,甜品戒唔到,饭又戒唔到,晚晚一定要食饭。」

90年航空小姐夺冠入行罗霖 艳光满载28年

「我有少少懒,通常做运动係拍电影,或者好似之前影写真,就会的起心肝做,平时多数喺屋企伸展吓,做五至十分钟伸展运动,每个月推一至两次脂,keep住身形,做瑜伽都可以,身形会靓,但就唔会做gym,因为肩膊会横,好容易畀人感觉肥,骨架细会靓啲。」

离婚后无感情生活

既保养得宜,追求者自然也不少,传闻裙下之臣涵盖老中青,传得最火热要算跟年轻廿载的内地富二代J君「母子恋」,微博上有感而发伤春悲秋也会被联想成感情有变,眼前的罗霖却一脸正色否认:「一直以嚟都係朋友,出街食饭就有,正式去尝试(拍拖)真係无。」原来外间一直高估了她对忘年恋的接受程度,「虽然人唔係为其他人生活,但(年龄)细太多社会舆论都会有好大压力,相差几年OK嘅,十几年我未必会接受。」

90年航空小姐夺冠入行罗霖 艳光满载28年

曾代理红酒生意并亲身上阵拍广告,被年轻内地追求者J君追到法国,自荐做男模合拍婚纱照,罗霖说:「我未影过婚纱相,难得公司畀钱我去到古堡咪影。」

90年航空小姐夺冠入行罗霖 艳光满载28年

罗霖更强调自离婚后一直单身,「啱啱离婚嗰时,都有啲朋友追嘅,后尾见我咁勤力投入工作,无时间同佢哋去街,就愈嚟愈少嘞。两年前做嘢太辛苦,都谂过有个膊头挨吓、倚靠吓,但我已经好大压力,如果再投入一段感情,感情一定有开心同唔开心,我唔想因为拗撬再加重我压力,所以我决定暂时唔投入住,到啲仔毕晒业,如果都仲有人等我,咁搵番个伴啰!如果无就算,孤独一生啰!」

90年航空小姐夺冠入行罗霖 艳光满载28年

「朋友」冷言冷语

离婚、出写真、重返幕前,罗霖说外间观感有好也有坏:「难听嘅说话反而来自我以前嗰啲所谓嘅朋友,你都知所谓上流社会好现实,见到面都唔打招呼,或者冷言冷语,我会觉得係好事,畀我知边啲係真正朋友。反而我出到街好多女士会走埋嚟同我讲:『加油、我支持你!』我好感动。」

90年航空小姐夺冠入行罗霖 艳光满载28年

回想离婚后的经历,罗霖说:「我外表好柔弱,但我可能捱得,个天畀啲磨练我,令到我坚强。」

90年航空小姐夺冠入行罗霖 艳光满载28年

女人当自强

罗霖又寄语女性:「结咗婚唔係一世就係咁,有好多突发性嘅嘢係预料唔到,我觉得如果可以兼顾到,都做吓嘢,一嚟增值自己,二嚟唔使咁无安全感,当自己赚到钱,就真係有安全感嘞。」

早前农曆年假罗霖跟幼子到北海道旅游:「细仔锺意滑雪,上年我有工作陪唔到佢,佢跟咗我啲朋友去,日头玩得好开心,夜晚就挂住我,所以今年我争取赚多啲钱同佢去滑。」

90年航空小姐夺冠入行罗霖 艳光满载28年

索爆美魔女写真

罗霖现52岁,是1991年亚洲小姐冠军,她在2015年推出首本写真《Timeless》,以50岁美魔女为卖点,书名《Timeless》,是不是想告诉大家女人的美貌是不受时间限制的、不朽的呢?虽然当时惹来一些执相疑云,但无可否认写真裏散发着自信的女人魅力。

90年航空小姐夺冠入行罗霖 艳光满载28年

90年航空小姐夺冠入行罗霖 艳光满载28年

罗霖这本个人写真集专诚飞到首尔取景,更请来曾与金宇彬、池昌旭等着名韩星合作嘅摄影师操刀拍摄。罗霖表示相集并无任何添加,非常natural,以真面目示人!

90年航空小姐夺冠入行罗霖 艳光满载28年

90年航空小姐夺冠入行罗霖 艳光满载28年

90年航空小姐夺冠入行罗霖 艳光满载28年

90年航空小姐夺冠入行罗霖 艳光满载28年

上一篇: 下一篇:

相关推荐